老友娶新抱 五德贈世姪
賭王祝新人百年歸老 爆笑
蘋果日報 2005/01/12 00:00
澳門賽馬會董事總經理李志強前晚娶新抱，賭王何鴻燊到賀，並致辭教導新郎要「三從五德」，愈講愈興奮的他最後祝酒時竟一時口快快祝新人「百年歸老」，令賓客嘩然。
前晚是澳門賽馬會董事總經理李志強娶新抱之喜，在灣仔君悅酒店筵開八十席，到賀名人包括賭王何鴻燊和四姨太梁安琪、富豪劉鑾雄、鄭裕彤、楊寶玲夫婦、李民橋夫婦等。
新人閃電結婚
新郎李柱坤與新娘劉敏穎相識兩年，但拍拖僅四個月便閃電結婚。新翁李志強前晚大讚媳婦說：「畀新抱九十分，生埋孫就一百分。」問他該豪門婚宴是否由他埋單？他說：「做老爺最蠢，要畀晒錢。」
李志強更是賭王何鴻燊及四姨太梁安琪的媒人，前晚賭王獲邀上台致辭，他滔滔不絕表演「棟篤笑」說：「呢個肥仔（指新郎李柱坤）個名改得好，好威水，『柱坤』即係一柱擎天，扭轉乾坤。佢識咗太太兩年，談戀愛就似我隻馬『閃電』咁，閃電四個月就搞掂（結婚）咗啦。」
教𠱁老婆絕招
賭王更在台上取笑新翁李志強講三字經了得，他說：「飛仔強（李志強綽號）係三字經專家，我就講番四字經，『三從四德』就俾我註冊咗，我今晚贈埋第五德畀新郎，呢招我親身試過真係得，就係要『𠱁』得，做男人搵到多少錢就要買定紅、黃、藍、綠、白鑽石喺身，女人對寶石好博愛，一見太太面口唔對路，即刻喺褲袋一粒鑽石塞過去，如果佢唔要，掟落地，唔好執，通常行開半個鐘，粒石就會自動消失㗎啦。」愈說愈興奮的賭王最後在祝酒時更口快快祝一對新人「百年歸老、白髮齊眉」，令台下賓客不禁嘩然。
採訪：DebbieLum
攝影：ChanChiLam
新郎李柱坤與新娘劉敏穎相識兩年，但拍拖僅四個月便閃電結婚。新翁李志強前晚大讚媳婦說：「畀新抱九十分，生埋孫就一百分。」問他該豪門婚宴是否由他埋單？他說：「做老爺最蠢，要畀晒錢。」
李志強更是賭王何鴻燊及四姨太梁安琪的媒人，前晚賭王獲邀上台致辭，他滔滔不絕表演「棟篤笑」說：「呢個肥仔（指新郎李柱坤）個名改得好，好威水，『柱坤』即係一柱擎天，扭轉乾坤。佢識咗太太兩年，談戀愛就似我隻馬『閃電』咁，閃電四個月就搞掂（結婚）咗啦。」
賭王更在台上取笑新翁李志強講三字經了得，他說：「飛仔強（李志強綽號）係三字經專家，我就講番四字經，『三從四德』就俾我註冊咗，我今晚贈埋第五德畀新郎，呢招我親身試過真係得，就係要『𠱁』得，做男人搵到多少錢就要買定紅、黃、藍、綠、白鑽石喺身，女人對寶石好博愛，一見太太面口唔對路，即刻喺褲袋一粒鑽石塞過去，如果佢唔要，掟落地，唔好執，通常行開半個鐘，粒石就會自動消失㗎啦。」愈說愈興奮的賭王最後在祝酒時更口快快祝一對新人「百年歸老、白髮齊眉」，令台下賓客不禁嘩然。
採訪：DebbieLum
攝影：ChanChiLam
劉鑾雄偕助手甘比（左二）出席喜宴。
楊寶玲與丈夫NelsonWong恩愛赴會。
李民橋與妻子羅寶盈有影皆雙，十分恩愛。
賭王何鴻燊及四姨太梁安琪前晚結伴赴會，賭王更獲邀上台致辭。