梁漢文今早喺上水探訪老人家，出錢又出力，送出湯包褔袋，又帶同工作人員扮財神，不過財神蝦碌頭飾不時甩咗，梁漢文笑謂工作人員剛升職做財神。

之前一晚梁漢文聯同陳奕迅做楊千嬅演唱會嘉賓，千嬅有意三人開騷，梁漢文話：「呢個形式開騷，相信巿場需求幾大，好多人都聽我哋嘅歌大。其實我哋之前傾過，一齊拍笑片，叫三成故事，講三個人來自唔同背景，做親嘢都係做三成。呢件事林生（林建岳）都知，但未落實。我哋三個都華星出身，都好耐冇一齊合作，所以都幾有意思。」

另外，新年前梁漢文到美國登台，農曆年其間佢同太太與、兩個細佬帶埋媽媽，一行六人去旅行，梁漢文話：「從未試過同埋兩個細佬帶阿媽旅行，我知阿媽對呢件事好熱衷好期待。」