【新增回應】
阮民安（Tommy）在過去個月的反送中運動越行越前，每逢有集會遊行都必高調出席，成功變成抗爭者的手足，Tommy常掛嘴邊叫人「不分化，不割席」，但他的舊愛阿K卻向雜誌爆料揭發其惡行。

阿K表示2012年的聖誕認識Tommy，他們很快便發展為同居關係，阿K有穩定職業，於是租屋及開支由女方包辦，愛情都盲目，兩人同居後，阿K不時發覺身邊財物不翼而飛，先後不見了八達通、名貴手錶、新買相機和銀包的錢，她開始懷疑Tommy，追問下，Tommy交還相機，阿K見到相機底部有張橙色「押」字圓形貼紙，估計他把東西拿去典當，但Tommy指借相機去做道具，不知有人貼上貼紙。

阿K又爆拍拖時試過有人追債，她最終到櫃員機轉賬7千元給Tommy應急。Tommy又冧掂阿K為他供一架約18萬的黃色Mini Cooper，月供6千，Tommy又累積了約二、三十張告票，執法人員上門要凍結阿K資產，最終鬧上法庭。Tommy經濟出問題，他求阿K向財務公司借15萬，其後她被人上公司追數，搞到要辭職，這個經歷令阿K苦不堪言，差點想自殺。令阿K死心的是有一日回家，撞破Tommy帶現在老婆Eva返家，之後Tommy又撼頭埋牆求阿K原諒，但最終一年情玩完，阿K更為前度搞到周身債，前後用了5年時間才還清50萬欠款。阿K指事件過了7年，她心中仍有陰影，阿K不排除Tommy是「黃絲」，但不屑他利用港人同情心，公開事件是不想大家成為下一個受害者。Tommy曾表示不明何以阿K不直接找他追債，他還理直氣壯要找律師對質。

網民馬上在連登熱烈討論，有網民更爆Tommy為搞眾籌唱會，曾公開貼圖呼籲大家贊助，並指會在場刊寫上贊助名字，但不會公開贊助金額，網民質疑：「佢個網本身有叫人贊助佢開演唱會，而家delete咗呢個item，係咪代表唔會公開自己之前收咗幾多錢贊助，然後自己吞咗佢？」，網民看到Tommy被舊愛阿K數臭新聞，負皮排山倒海湧出來：「仲有好多手足捐咗成皮野畀佢」、「又話開演唱會過咗數咁耐都唔見佢開」、「18號係公園開Show呀#佢投資咗5位數字，好多㗎，不過吞左嘅仲多」、「唔好意思，一直覺得佢唔係真心幫大家，只係想上位」、「佢都好明顯借運動上位，越做越出位」、「黃絲又點，無可否認，都一樣有賤嘅人，德不配位，況且仲係好大機會食人血饅頭嘅人」、「一個咁嘅人，誠信破晒產，年近半百，根本唔會改過，亦唔值得相信」、「一早反感佢，呢啲人好得人驚，上次中學生集會仲叫佢出嚟講嘢，得中學雞先畀佢呃到」。有網民在Tommy的FB留言，也有同時代化妝師追4千元欠債，Tommy回覆會立即跟進，有消息指Tommy提出想用演唱會飛抵銷欠債。

Tommy被舊愛阿K追債，他今日接受《蘋果》訪問時說：「呢個前度，其實由2012年到而家，咁多年都冇搵過我，甚至佢都已經改晒名，我亦冇收過佢任何信！直至報道出街前嘅一個下午，佢send過一次msg去我公司電話，之後我哋再回覆佢，叫佢提供資料，畀我哋去處理，佢又已經唔覆。佢講嘅嘢，大部份唔係事實。」Tommy否認曾叫阿K出車，他表示那是當時工作一間公司的公司車，他解釋後來沒在該公司工作，車子也交回該公司。Tommy對一概指控表示：「我真係無辦法逐樣逐樣解釋畀大家聽，我哋已經揾律師聯絡佢，只可以同佢用法律途徑去解决呢個糾紛！如果有嘢係我要處理，有理有據，我一定會負責。當然大家可以選擇相信佢，亦可以選擇相信我。但要澄清一點，我絕對唔係怕同佢對質，但係你一句，我一句咁公開討論，真係唔會咁做啦，要講，就喺律師樓，有律師在場，清清楚楚，一字一句咁講。所以，只係回應一次，唔講㗎啦！而我知道有一班藍扮黃嘅人，呢段時間不停畀錢都要搵人抹黑我，真係好得閒。我已經有晒佢哋搵過嘅人證同埋我已經出咗律師信畀佢哋！總之，呢次，我係一定會法律追究佢哋到底！」

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇

-----------------------------
【撐學生】
召集有心人 撐學生全年睇《蘋果》
立即按此