阮兆祥、王祖藍和李思捷前晚合體在紅館舉行首場「福祿壽十周年演唱會」，大搞爛gag。他們除邀得李司棋、梁家輝和黃凱芹等嘉賓，還有羅敏莊的5歲囡囡陳禛。
祖藍前晚再扮上任特首梁振英（CY）唱出《真心英雄》，獻唱時升降台兩度上落，他解釋：「呢個係刻意安排，我諗好多人想我走，今次真係冇得留低。」三人又施展渾身解數扮嘢，祥仔扮PSY唱《江南Style》，李思捷扮蘇永康和米高積遜（Michael Jackson），王祖藍則再扮《魔雪奇緣》的Elsa唱《Let it Go》。

陳禛rap全首歌

祥仔與陳禛合唱《廣播道Fans殺人事件》，陳禛竟一口氣rap全首歌，臨唱完更錫祥仔臉頰。其他嘉賓逐一出場，影帝梁家輝跟祥仔合唱《Tell Luara I Love Her》，家輝指年邁母親特別由加拿大返港捧場。福祿壽其後在台上大講311補選，祥仔要投民主黨、祖藍要投新民黨，李思捷則投處女黨。但處女黨已解體，祖藍老婆李亞男積極造人，李思捷追問：「生咗未？」祖藍自嘲：「聽講佢老公唔係好得。」話題轉到為處女黨選新成員，螢光幕播出米雪、利敏貞和陳凱琳照片。完場時，祖藍眼濕濕多謝拍檔多年來合作無間，互相擁抱。
思捷完騷後說：「見佢哋咁樣，但一喊收唔到科，即刻啜番啲眼淚，然後同大家講，不如攬攬。」祥仔透露會有巡唱，祖藍則搞笑可能雙喜臨門，他還忽發奇想為囝囝改名：「叫王思祥、王福祿或王祿壽，我講箒，老婆唔會俾。」
採訪：曹家誠
攝影：仇志德