任達華今日在九展出席頒獎禮，獲大會頒發「最具影響力電影男演員大獎」，華哥受訪時說：「嚟攞獎當然係好開心啦！我覺得今時今日喺網絡媒體、或創作上對演員嚟講都有好大嘅影響，好似有一次去咗非洲，有班小朋友見到我想影相，就用石仔掟我，後來我坐低同班小朋友笑吓，又用手語去溝通、同佢哋玩，等佢哋打開個心，畀我影相，我覺得今時今日都需要多媒體網絡，令我多體會得更多，好似多一條皺紋係好事，如同多一分智慧同沉澱。」

而華哥透露早前拍以導盲犬為主題的電影《小Q》，他在片中要與狗狗溝通，也都覺得困難，但他笑言：「我識狗語吖嘛！嚟緊就會忙拍新嘢，亦要宣傳《小Q》，呢幾日就會為呢套電影配音，其實拍呢套電影時，都想調包將小Q帶返屋企，後來知道唔得，亦都對唔住啲訓練員，所以冇咁做到。」

另外，腕錶品牌創辦人沈慧林和「金槌」拍賣官金鈴受訪時透露將會推出12星座系列的手錶，並且會繼續與琦琦合作，而6月則會推出與英國球星奥雲合作的手錶。

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

星期一至五晚上10點半
《動腦Q》Let's Q the money！
http://bit.ly/2QW8LcI