陳帆在哪兒?甩底帳委會因咩事
海事處石禮謙陳帆帳委會
【新增動新聞】
《審計報告》早前踢爆海事處採購政府船隻進度緩慢,立法會帳委會今早就報告召開公開聆訊,但主席石禮謙不滿運輸及房屋局局長陳帆缺席會議,只交由副局長蘇偉文處理,一度提出取消今次會議。
石禮謙一開會已主動指出陳帆無應邀出席會議,他原本仍笑稱「啲局長唔嚟,遲啲我哋寫報告先算。」但待官員進入會議廳後,石主動向代替陳帆出席會議的副局長蘇偉文稱,「幫我問候吓局長好唔好?話我哋好想見到佢但見唔到佢。」公共專業聯盟梁繼昌亦追問「局長喺邊?」蘇承認陳帆身在香港,「但佢有其他事務engage(忙碌)緊,同埋上次都係我代表局方帶領同事嚟到呢個會議。」
不過,多名議員表明拒絕「收貨」,梁繼昌直指當局必須交代陳帆缺席原因,「有咩緊要得過呢個會議?我哋對局長係有期望嘅!」連民建聯何俊賢亦不滿陳帆「甩底」,著蘇要小心解釋,「如果你話第一次會議係你帶領嘅話,下次就係你,我次次就等埋局長先開!呢個唔係普通嘅事務委員會,係帳目委員會。」
石禮謙稱根據過往慣例,局長必須出席帳委會的公開聆訊,回應議員質詢,帳委會雖然接受陳帆上次離港外訪缺席,但「好希望局長嚟聽吓,佢未必能夠答啲問題,或者對問題太熟,但佢負責呢個局,係要了解到個局出咗問題,要監管呢啲機構」,他一度建議取消今次會議,待陳帆有空出席時重開,公民黨陳淑莊亦表明贊成,更指帳委會可用傳票傳召陳帆出席。
但石禮謙以顧及行政立法關係,以及為免浪費其他出席會議的官員時間為由,最終決定繼續聆訊,並表示會親自致電陳帆要求他下次出席。
運房局新聞秘書回覆《蘋果》查詢指,陳帆今早要出席一個政府高層的內部會議,故此交由副局長蘇偉文出席帳委會公開聆訊。局長對因此引起議員不滿感到抱歉,並承諾定必會出席下次公開聆訊。