【賢歸正傳】「君達星」口勁顯著收斂!可以做到留前鬥後(廖浩賢)
收斂廖浩賢君達星留前鬥後賢歸正傳口勁
潘頓剛周末(14日)食出大四喜,狂追雷神只落後四場頭馬,近期潘頓氣勢一時無兩。
他雖然造唔到輕磅,但跑重磅馬死鉛少,反而係另一樣着數條件,究竟今季冠軍誰屬?大家要拭目以待!
周三(18日)晚谷草跑C加3欄,慣例係放頭馬着數,丁冠豪似乎吼準跑道模式,報名馬中「君達星」及「寶山鷹」都係公認短途快馬,食正跑道形勢,佈局就安排妥當,其餘就要睇運氣,睇吓可唔可以抽到個好檔。
「君達星」上次全熱門衝閘但未被退出,結果當然令人失望,老實講句,對於一匹獨贏總投注超過1,000萬的全熱門,何謂公道?
何謂公平情況下出賽,似乎呢個基制係時候要重新檢討。
「君達星」今次隔三個星期再戰,賽前當然要試一課大閘及格先再上陣,對於呢課閘,有兩個重點值得講講。
首先情緒方面,好明顯穩定好多,另一樣就係口勁,顯著收斂,可以做到留前鬥後。
在任何角度睇都係好事,是否一定要一味靠放至識贏馬?丁仔與潘頓應該要細心諗諗。
「寶山鷹」自從大前仗贏完馬之後,未知是否欠缺新鮮感,總係覺得泥地表現唔夠起勁。
今次專登出王牌回師谷草窄場上陣,睇晨操狀態無問題,有六個星期回氣,且看能否有突破性演出。
-------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度 ------------------
《果GYM》隨身播 健身壹App過!
一按即玩