涉足工運大半生，從政近30載，年逾70歲的陳婉嫻前年告別議會，但依然有火。最近律政司長鄭若驊的大宅涉僭建，她在報章撰文，批評對方明知有錯，錯而不改；她接受《蘋果》訪問時也質疑，「點解當時按揭冇講地下（地庫）？漏報？我覺得又好似唔係喎，你話有報？又犯法喎，咁後面係咩故仔呢？」

鄭若驊走馬上任，獲特首林鄭月娥「開綠燈」准許繼續處理6宗仲裁案件，陳婉嫻認為不妥，「你明知仲有6宗仲裁，唔需要咁快逼佢上嚟吖，袁國強做多個零兩月咪搞掂囉」。她說，官員的誠信很重要，鄭若驊應清楚交代，「如果所有嘢坦蕩蕩攞晒出嚟，釋咗我哋疑惑，先能夠將人哋想當然嘅嘢逐步消失」。

陳婉嫻形容，鄭若驊僭建風波對特首林鄭月娥是一次大考。但她認為，現屆政府開局算好，雖然林鄭與各黨派交往有深淺，但經歷佔領運動後，明白各黨的想法，拿捏不錯。如最近有人提出不要委任外籍法官，並成立委員會監察法官，林鄭便公開批評，又指不會容忍侮辱及恐嚇法官的行為，「佢講完，我諗邊啲人聽都好舒服」。

但林鄭能否修補社會撕裂，她認為仍屬未知之數，要視乎林鄭處事能否不偏不倚，也要各黨派配合，如最近部份溫和泛民也回歸理性，「各個派都要出番啲理性，先能夠將香港問題逐步解決，但我估計唔會咁快，始終都有啲理念上要大家重新去傾」。

記者 王家文