《頭條新聞》之所以長播長有，除了因為節目內容會一針見血諷刺時弊之外，還因為當中的橋段及主持人的對白用字，都食正當時的熱話，令觀眾睇得過癮，又不會覺得過時。

雖然《頭條新聞》播畢今季便要與觀眾暫別，但原來節目開播30年來，曾試過突然「添食」！添食事件發生於去年7月，當時香港社會騷動不斷，特首林鄭月娥拒聽民意，堅拒撤回《逃犯條例》，更發生7.21元朗站恐怖襲擊，令該季原定在7月19日播畢的節目，突然宣佈添食3集，當時主持人之一的曾志豪向傳媒透露，是節目監製在7.21事件翌日突然決定添食，並於7月23日在《頭條新聞》官方facebook宣佈消息。

在該post中，《頭條新聞》秉承擅用熱話用字的本色，寫下：「宣佈撤回……最後一集嘅決定，今個星期五，不見不散！」並加上「原來講撤回都唔係咁難啫」及「人話亦唔難講」的tag，直接講出不少香港市民的心底話。

曾志豪更笑言，自己做該節目10多年來，從未試過要完季後要添食繼續拍，他又指原來節目組中有個笑話，指每次《頭條新聞》要放暑假時，香港就會發生大件事，想不到去年「不幸言中」。
----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新