八方現場所見,有書迷喺簽書會開始之前就已經排好晒隊。今次有賣只得10本嘅「特製真皮盒裝簽名鈐印本」,一本賣$1,800,一早已經俾人買晒啦。另外一般版本就每人限買5本,現場所見,每個人都差唔多買咗5本,仲有老竇帶埋個小學生囝囝嚟簽書會。
除咗買書,仲有個展覽,展出咗董橋喺《我的筆記》入面提過嘅藏書,包括《查令十字路八十四號》、《格列佛遊記》、《乞丐歌劇》等,全部都係私家珍藏。除此之外,個展覽仲有佢本新書嘅原始手稿,同埋知名歷史學者余英時獲寄贈新書之後寫畀董橋嘅信。不過董橋迷想睇都冇辦法啦,因為個展覽淨係得一日咋。
李八方