陸家俊、寶珮如、李思欣及范振鋒等，今日去到黃埔出席新店開幕，陸家俊話自己做開金融，對飲食唔認識，而且怕工作時間長。

兩個月前，陸家俊接受《蘋果》訪問，當時身形同今日嘅佢，起碼爭兩個碼（新聞連結： https://bit.ly/2T1lbBy ），佢今日都有講到個人體重高峰時曾達240磅，現正積極減肥，近兩個月更減去50磅，佢話：「呢兩個月努力減去50磅，o依家170磅，除咗飲食做運動，有營養師指導，自己希望目標減到150磅，身邊朋友都稱呼我係減肥達人，其實減肥好容易，最緊要睇自己嘅決心，希望自能夠回復以前嘅樣貌同有番輪廓。」

陸家俊之前為電視台錄影節目，佢話已經16年冇上台唱過歌，雖然已闊別舞台咁耐，但就唔會失去信心，因為自己跟戴思聰出身，而且自己一直都係做音樂，明年會考慮出兩隻新歌，試咗水溫再考慮開騷。

寶珮如最近右眼3次生眼瘡，日前動手術割掉，寶珮如話：「醫生建議我唔好食甜，朱古力、咖啡，容易引發，唔知係咪年紀大，開始鍾意食好甜嘅朱古力，不過醫生話甜食引致生瘡，所以要節制吓。」

精選娛聞，喺晒《娛果》
http://fb.com/appledailyent