陳敏之及森美今日去到海洋公園出席「無飲管運動」啟動禮，分享如何鼓勵子女支持環保。

陳敏之嘅曲奇餅店，擴展至大陸發展，早前喺大陸以「員工有機會獲公司推薦，香港專才移民」來招聘員工，對於其專才計劃引起爭議(新聞連結： https://bit.ly/2Jcdl80 )，陳敏之話：「我管理香港部份，大陸係由拍擋管理，我有關注到，我唔太了解，大陸請人唔係我搞，當然唔代表唔關我事，可能我有疏忽，我哋想請大陸店長，佢有機會嚟香港做管理，唔想太多誤解。」

對於會否因為可以移民香港成為招工賣點，陳敏之話：「我只係得一間舖，請一個職位，應該唔會影響，因為唔係我寫，我都要了解下。」對於大陸分店人工偏低，陳敏之話：「人工係合理，香港店當然唔止，我哋唔係大機構，我哋都係默默耕耘。」

森美日前大呻與英國留學嘅14歲兒子失去聯絡一個月(新聞連結： https://bit.ly/2Jqptl5 )，森美笑言：「我有send段報道俾佢睇，不過佢未覆。」森美話有擔心兒子習慣外國生活後不再返港，但亦明白要為兒子將來發展着想。

精選娛聞，喺晒《娛果》
http://fb.com/appledailyent