八方將馬時亨噚日喺中環站講話照片,同黃先生拍下嘅相比對,發現兩幅相相中人外貌同衣着都一樣,黃先生話佢同其他乘客,都清楚睇見馬主席喺行李輸送帶上,拿走一個高爾夫球袋,所以佢信馬主席去上海唔係公幹,而係打高爾夫球散心,可惜因為內地禁區嚴禁拍照,所以影唔到馬主席拎高爾夫球袋,黃先生之後喺禁區外再等馬主席,想影佢拎高爾夫球袋嘅相,點知馬主席行出禁區時,手推車上只有普通行李,高球袋已離奇地不知所終,黃先生估計可能有其他人已代佢拎走咗。
黃先生覺得馬主席呢個時候去打高爾夫球不太妥當,因為處理港鐵意外遠比其他嘢重要,又話馬主席如果冇心做,不如退位讓賢,唔好霸住個地盤唔做嘢。港鐵發言人唔回應馬主席係咪休假、係咪去上海,只係話馬時亨係港鐵非執行主席,佢私人問題包括是否休假往上海,港鐵不便代為回應。
李八方