太極樂隊主音雷有輝嘅徙弟蘇煒喬今日到新城電台宣傳派台歌《悅動我心》，呢首歌講跑步充滿正能量，歌曲會在大陸超過四十四個城巿播放，成為跑步比賽主題曲，分別有廣東話同國語版本。收錄國語版時，蘇煒喬擔心普通話唔純正，專登搵朋友逐句苦練，以免出醜。

蘇煒喬本來在銀行一個直銷部門全職工作，為實踐歌手夢兩者兼顧，剛在去年底工作部門關閉，依家全職投入做歌手。蘇煒喬直言:「會擔心(收入)唔穩定，希望做多啲宣傳，令自己堅持行呢條路落去。」新一年佢會繼續出新歌，已經開始製作。