告東尼今季成績穩步上揚，尤其與田泰安合作如魚得水，騎練合作七次獲四冠一季，最差也跑入第五名，可想而知逢出必拼，明日（10月1日）又有「牛精輝煌」及「龍串鳳」合作列陣，信攤路，難得又有分頭，當然不失追捧對象。

「牛精輝煌」迄今仍是處女馬，17戰未勝，由85分減到目前54分。上季中58分同程負131磅，分別要讓「肇慶威威」13磅及「蒜頭爺爺」四磅，輸四分三身位跑第三。

今日挾路再相逢，受前駒讓一磅及只讓後駒兩磅，計數已有足夠能力反先，再睇馬房專登安排兩試大閘才上陣，擺明唔好唔出，有力為馬房在國慶日打響頭炮。

第三場「龍串鳳」轉東廐後兩戰敗北，上季尾跑黏地不能作準，上仗開鑼日復出跑1000米，拉100米才撻起後勁，僅輸兩馬位予「勝利寶石」跑第四，後駒最近再度征服三班，係高水準賽績，距離上仗接近一個月，埋門再安排試閘，全程主動，走勢明顯比之前醒神得多，告東尼接手後未交代馬，肯定戰意如虹。