又嚟到今日（9日）沙田馬場國際賽日，各馬房當然希望喺呢個大賽日中贏馬攞威。

練馬師賀賢自從2007年以「騏綵」跑香港短途錦標得亞軍不敵「蓮華生輝」後，相隔十一年後，旗下再有「小巨人」踩場跑此項大賽，今次「小巨人」喺第五場1200米香港短途錦標，被編為12號馬，由潘頓操刀。

事實上，賀賢過往憑「戴花」贏墨爾本盃，以及「騏綵」06年挫「精英大師」贏香港短途錦標，兩匹馬咁啱都係12號馬。而賀賢喺馬房內仍擺放咗呢兩駒嘅號布留念，似乎真係lucky number嚟！

講真「小巨人」實力相信未見盡，冇人敢講佢一定唔得，當日「騏綵」亦是以最低評分馬身分，贏出香港短途錦標。既然有前科跟，賀賢隨時又以呢個12號全組最低分的「小巨人」揚威呢場大賽。