當年今日
關於我們

  內地豪客26萬掃金飾 - 李八方

蘋果日報 2004/01/30 00:00


八方一向都唔敢睇小內地同胞,自從自由行實施後簡直重另眼相看。話說噚日六千萬金廁所老細、恒豐金業科技主席林世榮請八方食飯,席間,佢話喺新春假期有好多內地同胞到訪佢個展覽廳,延長營業時間都招呼唔晒,當然幫襯咗唔少㖭啦!
但人多都唔係最勁,林生話最勁係佢哋個個最少都使成四千幾蚊,有個來自吉林嘅同志最豪,一次過喺林生個場用咗二十六萬!幾分鐘內大拿拿攞成二十六萬買首飾,重要係大部份都係現兜兜嘅現金,相信都唔係好多人可以咁捨得,內地同胞果然好嘢!二十六萬首飾?咁啱過關時俾海關見到,就有排解釋啦。


傳真︰2623-9278
電郵︰[email protected]