「港版國安法」內容今日傍晚終於出台，包括中央將在港設置「駐港國家安全公署」、香港需設立「維護國家安全委員會」、審理國安法案件法官由行政長官委任等。不少市民對草案內容感憂慮，認為國安法令國安可以合法在港執法，又質疑政府在反送中運動的一年後，竟直接帶內地國安到香港，來回應市民訴求，稱「不如直接宣佈一國一制啦」。

對於「港版國安法」的內容出台，楊小姐表示即使沒有國安法，中共干預香港的擔憂一直存在，「依家只係畀佢有個理由話你觸犯咗法例」。楊小姐指雖然很多國家都有國安法，但不同在於到底是誰人審訊，「同埋有無保護到市民，但依家法官要由林鄭指定，拉人嗰班又係咩人呢？咩人可以入選到呢？會唔會有陪審團呢樣嘢呢？呢樣嘢令我哋好擔心」。

她指內容稱只會對極少數危害國家的案件行使管轄權，此舉是摧毀一國兩制，「同埋唔係講緊極少數定多數問題，呢個係one or zero嘅問題，當有咗第一單，就會成為一個案例，之後就可能會有好多類似情況出現，而呢個係唔公義，點解我哋要比第一單發生呢？」生於1997年的她認為港版國安法是令「50年不變」提前結束，自嘲自己一下子也變成了50歲。

文先生指國安法內容出台，證實了市民早前的擔憂，「大家之前一直擔心就係大陸公安，可以喺香港運用佢哋嘅權力去對付香港市民，喺依家呢個架構下係完全實現咗呢個情況」。他指無法判斷甚麼是「極少數」、「非常危害國家安全」的情況，但中共已在香港設立部門進行執法，「我哋最擔心嘅係大陸嘅人可以嚟香港執法，而唔係咩情況下執法嘛」。

文先生表示，近年國安在港執法是暗地處理，「好似銅鑼灣書店咁，但未來就名正言順咁去做呢樣嘢，一直以嚟嘅恐懼就係呢樣嘢，依家就係制度上可以咁做」。

袁先生質問香港現時是否仍然實行普通法，「內地執法人員可以嚟港執法，香港到底仲行緊普通法定係大陸法呢？」他斥若有內地執法人員來港執法，不需要另立港版國安法，「不如就直接宣佈一國一制啦，你畀香港法官去審，但又容許內地執法人員喺香港執法，一年前香港人出嚟就係好驚你捉咗香港人返大陸審，一年之後回應我哋嘅訴求就係搞港版國安法」。

草案規定，香港本地法律與「港版國安法」如有不一致，則適用「港版國安法」的規定，解釋權屬於全國人大常委會；涂謹申認為，直接效果是國安法凌駕國際人權公約保障，使香港人或身處香港的外國人，失去人權保障。

他又指整個草案是將內地獨裁專制極權的國安執法體制和意念，強加在香港的自由價值體制，徹底否定一國兩制，法治和司法獨立。

-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多