鍾麗緹（Christy）最近帶住兩位千金Jaden同Cayla，喺台灣為江蘇衛視《人生第一次》出外景，連日來佢被發現出入都有個四眼男人，喺身邊幫手推BB車，而Christy就素顏上陣，低調跟喺後面，但全程都係嗰個男人幫手照顧囡囡，反而佢就安心跟喺身後玩電話，似足女王出巡。不過其實Jaden、Cayla分別5歲、4歲，仲坐住BB車代步。

大前日記者見佢喺入住既W酒店步出，嗰個男人幫手照顧兩個女，佢哋去到信義誠品4樓一間餐廳開餐，佢同個男人有說有笑，而Christy前日已飛返北京。

Christy台灣經理人公司話，嗰個男人係工作人員，而兩個女坐BB車，係怕佢哋想瞓，有BB車比較方便。

Jaden同Cayla其實係43歲嘅Christy，同佢第二任老公台灣音樂人嚴錚所生嘅女兒，而同第一任老公GlenRoss則育有一女YasmeenRoss。