相信大家都記得冇耐之前貝湯美未力策「醒目精伶」，令該駒冇咗個亞軍，貝湯美因此被重罰停賽一個月，估唔到啲騎師冇吸收教訓，今午第八場跑第六名「獅鷲」嘅騎師郭能，賽後就承認犯規，冇喺最後階段力策「獅鷲」至終點，令隻馬喪失跑第五為馬主龐俊怡贏取獎金嘅機會，表現未能令競賽小組滿意，郭能因此被罰款兩萬蚊。