電影人愛談論港產片未來，但能為其把脈、且一針見血講出問題癥結，而又令彭浩翔心服的人不多，莊澄是其一。縱橫電影界30多年，做過宣傳、編劇、監製、出品人，亦是寰亞創辦人之一，莊澄當初入行卻非因對電影偏愛，自言少時「比貧窮更窮」，一年才看到一兩齣戲。大學原本修讀哲學，畢業後因「佛系性格」，跑到電視台做資料搜集員，培養出創作興趣，輾轉到了金公主（新藝城母公司）做copywriter，因而認識了伯樂林嶺東。

「可能本性好奇，對電影好多問題，佢（林嶺東）話我係『問題少年』，叫我過去佢公司同佢傾。後來叫我不如嘗試幫佢做編劇。」兒時在九龍城寨住過，習慣觀察身邊人的舉動，間接吸取了日後做編劇的養份，於是慢慢由編劇做起，轉做創作總監，再與馮永、鍾再思等組成寰亞，及後製作如《野獸刑警》、《無間道》、《頭文字D》等經典。「基本上係每一部戲嘅當然監製。」莊澄說。

莊澄的入行之路，看似比今時今日的年輕人輕鬆，機會亦比這一代多，只是兩代人其實都需具備先決條件，就是「鍥而不捨」。現為香港電影編劇家協會會長的莊澄，稱今日仍有很多有心學生，能在影圈闖出名堂：「有一個好出名嘅學生叫彭浩翔。而《淪落人》嘅陳小娟，而家直情做埋我哋會嘅幹事。」有心但欠缺就業機會，才是這代面對的最大難題。莊澄近日亦有與商務及經濟發展局局長邱騰華會面，討論未來香港影業的發展方向：「10億可以點用呢？我哋都有傾。將來新一屆電影發展局，大家都樂於提供意見，以前係冇。」

香港電影編劇家協會，每年都會選出推薦劇本獎，很多時都成為香港電影金像獎指標。「我哋編劇家眼中最好嘅劇本，未必係大家眼中最好嘅劇本。好早前只係推薦一個，後期發覺應該推薦兩個，因為可能輸個馬鼻。」今年亦增設了「最佳角色演繹獎」，分別由《淪落人》的黃秋生和《三夫》的曾美慧孜奪得，莊澄認為這兩獎有別於一般演員獎，是純粹由角色出發：「編劇咁辛苦寫個角色出嚟，希望演員融入角色裏面。我哋會睇到個角色，而唔係睇到明星。」

港產片的監製，大部份都只是「睇住盤數」，極少參與創作。莊澄則比較接近外國的「creative producer」，除了負責籌集資金、創作團隊，亦要參與創作，故很多電影戲名、宣傳字句與口號，都出自他的手。亦正因熟識整個架構與運作，他對港產片的難題與出路，都有獨到見解，如幾年前便說香港電影人才出現了斷層。他認為某些電影人，擁有豐富經驗，獨欠些際遇，而creative producer正好可幫助這類人，彌補人才斷層的問題：「好多時我哋會忽略呢種人，而其實係寶庫嚟。最經典係吳宇森，當年曾經鬱鬱不得志，之後一舉成名。又譬如《寒戰》嗰兩位導演（陸劍青、梁樂民），亦都好成功。」

隨着網上平台流行，美國很多大導演、明星，已經開始轉型拍攝連續短片（mini-series）。問到會否改變未來的電影生態，莊澄認為機會不大：「將來就算發展到亞洲，呢啲mini-series都唔會影響到電影，因為係兩批觀眾。」對於港產片未來，他認為仍有一定叫座力，但長遠亦需要更大市場：「因為港產片包含好多嘢，淨係呢個詞語，已經有好多回憶。」

採訪：馮國康
攝錄：馮嘉銘

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV
-----------------------------
第二屆最港電影大獎投票網址
https://bit.ly/thekongestfilmawards2018