中央娛聞:「嬌滴滴」唱衰大聲遭鬧爆 - 辰苟

蘋果日報 2012/06/30 00:00


辰苟早兩日喺北京同幾位電視製作人吹水,佢哋話娛樂圈最近有個笑話,就係「嬌滴滴」周街同人講,佢俾「大聲」輕薄,大家都話以嬌滴滴嗰種主動,佢兩個頂多係姣婆遇着脂粉客。
借人宣傳自己
嬌滴滴出晒名鍾意借人嚟宣傳自己,最慘係呢單嘢最後傳番畀大聲知道,佢當然好嬲,俾人話輕薄女明星,真係乜面都冇,聽講佢都有打電話去鬧嬌滴滴,警告嬌滴滴唔好再亂咁講。其實好多同嬌滴滴合作過嘅人都同苟哥講,話佢真係有啲神經病,成日將幻想出嚟嘅嘢當真咁講。
撰文:辰苟