今季方嘉柏馬房暫有11駒贏完谷草後續戰谷中，共取得四勝四位三殿。

是夜（11日）谷中尾場三班1800米，方廐「肥仔威威」信馬房數據，仍有捧場必要。

事實上，此駒上仗贏谷草一哩段速甚佳，該役頭三段時間比當晚另外兩場同程之四班賽快超過一秒。

但其末段締速差不多一樣，前快而末段唔慢之下，此駒衝接近22秒半反先對手個多身位，總時間1分39秒61，亦是今季谷草一哩第二快，屬高水準締速頭馬。

今場雖然初跑1800米，五歲馬照計亦可應付，保持水準足以再贏。

另一匹締速出色馬取第三場四班1650米「多多」，近五仗均跑谷草一哩獲兩勝兩位。

上次雖然只得第七，但仍造出全場最快末段23秒16，若非整條直路無法望空，未必會失三甲。

睇番蔡廐今季曾造最快末段後再出改配雷神的「明駿之星」，以及剛戰（8日）的「追風驥足」和「跳出世界」均入Q，「多多」如今用番雷神有權補中。

至於蝕位跑得好的馬匹可留意頭場五班1650米「創紀錄」，本身今季第二仗已於第四班交出不俗後勁追近，近兩仗競爭五班賽亦見接近。

其中，上賽轉彎抄四叠入直路，於無遮擋位置發力，最終仍輸不遠。

今場換莫雷拉兼有運抽到1檔起步，騎者近12匹1檔座騎獲八冠三亞一殿，「創紀錄」由蝕變賺，有力打開勝利之門。

撰文：金寶

-------------
【馬後炮】520萬拍賣馬一步都冇！
棟哥繼續鬧爆呃錢馬呃錢騎師！
-------------
【足總主席專訪】曾填錯飛都中580萬三T！
貝鈞奇：年青一代要發揮港人永不放棄精神
-------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
------------------
《果GYM》隨身播 　健身壹App過！
一按即玩