當年今日
關於我們

改善「斬件式」服務 免家長疲於奔命
全球首個自閉症家居訓練法

蘋果日報 2004/04/13 00:00


【本報訊】「最初知道自己個仔有病,真係好傷心。」謝先生的兒子從小喜歡四處跳,卻不愛跟其他小朋友玩耍,在一歲八個月大時被診斷為自閉症患者,尋求公立醫院的治療和特殊學校的服務,一等就是一年;其間他找到聲稱是全球首個自閉症家居訓練方法的課程,學習在家中訓練兒子,兒子現在已會說:「Daddy我好掛住你。」 記者:張嘉雯
謝先生形容,兒子初時的情況令他一度絕望。「同佢講嘢嘅時候從來都唔會望你,因為佢只係活喺自己嘅世界度……真係覺得好彷徨、好失望,同好無助,我個仔無語言能力,愈早醫就愈好,但等咁耐,識講嘢都變唔識啦!」他和太太尋遍坊間的書籍,終在年多前遇上「努力試」課程。
「佢會教我哋,細路仔唔識得表達自己要啲乜,第一步就係教佢哋用手指指向自己要嘅嘢。」夫婦二人遂於每晚飯後開始訓練孩子,一直至晚上十時。首先是訓練集中力,由五分鐘、十分鐘開始,從有趣的題材入手,每次兒子有進步,就用言語或食物作獎勵。

訓練令人身心疲累
「課程會教我哋同個小朋友講『我愛你』,雖然明知佢學咗,講嘅時候其實無感情,但起碼令我哋有動力繼續訓練下去。」謝先生坦言,每晚的訓練令人身心疲累,「當諗到子女只得你一個父母,就會繼續做落去。」
「嗰時佢兩歲幾,突然間有日佢走埋嚟攬住我,話『Daddy我好掛住你』,我喺之前無教過佢,佢係自發講嘅,當時真係好感動。」謝先生的孩子現已四歲,入讀一般幼稚園,願意跟其他小朋友一起玩耍,「會識講自己嘅感受,開唔開心呀,返學點呀,會同我講好驚陌生人呀咁。」

「家長去教好重要」
努力試課程訓練中心執行顧問何展基指出:「衞生署嘅數字話,每一千個細路仔中有一個係有自閉症,其實個問題都幾嚴重。」義務協助自閉兒童家長的職業治療師張姑娘批評,現存自閉症兒童服務屬「斬件式」,令家長疲於奔命。「溝通問題就搵言語治療師;感覺統合就搵職業治療師;發脾氣呀就搵心理學家或者精神科,其實應該融合響屋企做。」
曾治療自閉症兒童的註冊物理治療師鄭泳珊認為,類似的家居訓練課程對自閉症患者有一定幫助,「因為呢啲小朋友要每日不停重複咁教,所以家長去教好重要,而且可以同個小朋友多啲接觸。」但她補充,專業人士能評估患者的情況,家長必須與治療人員緊密合作。
empty