世界盃歐洲盃外圍賽F組，榜首英格蘭今晚就會作客同組魚腩馬爾他，3分都基本上冇咩問題，球迷都係關心下領隊修夫基用咩人；特別係正選門將，爭持都好激烈，修夫基亦都開估，始終都係用番赫特。

韋斯咸英超開季三連敗，把關嘅赫特更失足10球，有傳英格蘭想以史篤城門將畢蘭特把關；修夫基賽前接受訪問時就話：「我相信祖赫特仍然是英格蘭現時最好門將，佢今季轉投新球隊，難免有適應問題，但英超只不過3場比賽，我睇唔到有其他人可以取代佢。當然距離世界盃仍然有一段時間，陣容有3個出色門將，因退嘅比克福特、賓科士打等，都有實力，未來佢哋都要競爭。」