當年今日

  曾鈺成有廿四孝老竇 - 李八方

蘋果日報 2002/02/02 00:00


呢個臉色紅潤的老伯係邊個?唔識唔緊要,佢嘅兩個「虎仔」就係人都識。佢就係民建聯阿頭曾鈺成同埋中央政策組要人曾德成兩兄弟嘅爸爸──曾勤。
今年七十七歲嘅曾老伯喺中華總商會做咗幾十年秘書,前幾年退休,生活逍遙自在但好低調,記得只係年前有次同曾主席兩父子出街飲茶,畀記者撞見過,平日甚少曝光。不過八方噚日有幸遇上,皆因曾主席做咗獅子會主講嘉賓,勤伯亦獲得朋友邀請,一於「上陣不離父子兵」。
同勤伯閒聊數句,發覺佢講話嘅聲線同曾主席好相似,八方問佢:「個仔孝順嗎?」勤伯笑到見牙唔見眼:「我梗係話孝順啦!」但老竇反過嚟聽仔演講,曾老伯都算廿四孝囉!
(圖)曾老伯噚日去聽乖仔曾鈺成演講,你睇佢笑得幾開心!


E-mail:[email protected]