第四場四班1400米，「華美之寶」季內能在三班兩度上名，亦曾在四班同程放至埋門一步被「甜城效應」追越，該駒四升三班再出仍得第三，反映這場有三班水準，「華美之寶」實力絕非一般四班馬可匹敵；之前韋達騎過兩次都上名，有速度的前領馬啱佢發揮，今場更有二檔之利，開齋黃金機會。
「駕歡」上仗初出跑同程，輕描淡寫後上第五，當時造出全場最快末段22秒21，質素肯定唔簡單，當然值得跟進。「大家熊」近兩次跑同程均上名，為目前最佳出路，今場配腳唔飛得。「競駿高飛」來港跑五場未曾上名，上場跑同程追勢唔錯，開始要留意。