韓國女團4MINUTE成員泫雅雖然近日惹來隆胸疑雲，不過佢份人一向我行我素，加上以性感出位造型上哂位，佢真係「有胸唔怕晒」，而佢本身亦都好大方，每次拍MV或者雜誌相，佢都會性感賣大包，挑戰尺度。

好似佢最近發行新專輯《A+》，佢照例大騷身材，近日佢公開新嘅宣傳照，着住件一件頭泳衣嘅泫雅，因為件衫側邊開得好大，所以當佢側側地身影相時，左邊個胸就好似走咗出嚟一樣，結果左胸疑似露點。而相片出街後，唔少網民都話佢竟然失守露點，有網民就覺得應該係乳貼來。

而形象一向性感嘅泫雅早前接受訪問時就話：「我回不去了。現在已無法裝可愛，只能一路性感下去。」

另外，泫雅噚日於Instagram公開跟經理人嘅合照，照片泫雅伸手搭住經理人嘅肩膀，二人表現親密，泫雅就留言：「吳鬆鬆，辛苦啦，感謝所有的一切，多謝你。」