世界盃周二上演了C組及D組最後一輪賽事，焦點落在首兩場都未能贏波、排在D組榜尾的阿根廷大戰尼日利亞，阿根廷球星美斯今場不再「散步」、「隱形」，更於上半場接應班尼加長傳，以速度壓過尼日利亞守將破網助球隊領先，比賽中更看到美斯不惜氣力去追波，甚至出現罕見的「飛鏟」，可見這名隊長的鬥心番晒嚟！

雖然美斯的好朋友，馬斯真蘭奴於下半場在禁區犯規輸12碼，被尼日利亞追成1:1一度陷於出局邊緣；幸完場前三分鐘，曾在禁區犯手球走甩12碼的曼聯後衛馬高斯盧祖，突然殺入對手禁區用罕見右腳破網，助阿根廷以2:1擊敗尼日尼亞，入波後美斯隨即騎著盧祖瘋狂慶祝。原來，四年前世盃盧祖亦曾經做過「超霸鷹殺手」，射入奠勝入球助阿根廷3:2擊敗尼日利亞，想不到四年後可以重溫舊夢。

而球迷除了要與超霸鷹的「靚波衫」告別外，亦要與神奇球隊冰島說再見，事關這支歐國盃黑馬同日面對D組已經出線的克羅地亞，在對方收起大部份主力下仍要輸1:2出局。而C組方面，較早時間開賽的法國與丹麥似乎大踢「默契波」，兩軍攻門欠奉，最終兩隊互交白卷，成為今屆38場世盃賽事首場和波，雙雙出線。

不過阿根廷分組賽的表現，的確不如四年前奪得亞軍時般勇銳，次名出線後更要硬撼C組首名的法國，高盧雞軍團三線實力強勁，不如阿根廷般「頭重腳輕」。且法國兩名中堅烏姆迪迪及華拉尼，一名是美斯的巴塞隊友，另一名則是皇馬球員，相信二人將十分熟悉美斯踢法，且法國還有差點與美斯做隊友的基沙文攻堅，阿根廷防線未必頂得住喎！

值得一提的是，目前淘汰賽晉級表中，「上線」高手如雲，包括A組首名的烏拉圭、B組次名的葡萄牙、C組首名的法國及D組次名的阿根廷，而巴西、德國、英格蘭或比利時亦隨時會加入戰團；反觀另一邊廂的「下線」，傳統強隊暫時只有西班牙，當然亦不可忽視克羅地亞、俄羅斯等實力。

假若身處「上線」的葡萄牙與阿根廷，均在16強順利過關，當今兩大球王C朗與美斯，有可能會有8強碰頭呢！

Now TV每日只需$6*，
全年睇盡猛片，新劇，世界盃
即刻撳下面登記優惠或致電2888 1888(後按2)申請啦！
https://bit.ly/2JqDJKw
*優惠期有限，受條款及條件約束。

--------------------
一網睇盡
足動世盃 直擊俄國最前線 https://hk.feature.appledaily.com/worldcup2018/
--------------------
《體蘋果》陪你睇波講波
https://www.fb.com/appledailysports
--------------------
王道日本足球手機遊戲《BFB CHAMPIONS 2.0》，日本國家隊實名登場！ http://bit.ly/2xrTKGM