陳靜（DaDa）突然宣佈息影，早前拍下的《重口味》便成為她其中一部「埋齋」之作，不過她早前宣傳電影，並接受本報訪問時，仍表示渴望嘗試不同角色，而陳偉霆（William）更盛讚DaDa專業，為劇組着想，拉低衫也沒半句怨言！
撰文：張俊銘

新片《重口味》將於本月底上映，卻因DaDa臨時退出娛圈，打亂了電影宣傳。在退出事件發生前，她與戲中拍檔陳偉霆接受本報訪問，當時她已透露拍戲有壓力，但與William演對手戲，是一次難忘體驗。
《重口味》由三個故事組成，郭子健、阮世生及伍健雄分別監製《驚嘩春夢》、《有殺有賠》及《毒菇求愛》。William和DaDa演的《毒菇求愛》，由莊少榮執導，William飾演毒販，DaDa則是買家，二人於一次毒品交易中認識，中間穿插騎呢古怪重口味的人和事，交織一個愛情故事。

DaDa服從拉低衫

既然叫得重口味，大家最關心的當然是DaDa與William可有激烈親熱戲？可惜答案令人失望，DaDa說：「親熱戲？其實冇喎，我哋好純㗎！因為故事發生喺一晚，去唔到嗰個親熱地步。」事實上，原本的劇本有一幕「車輪」戲份，但居然被William改戲，莫非他嫌棄咀DaDa？還是因有包袱？William笑說：「冇包袱！只係想件事好箒，我哋兩個商量過，覺得個劇情唔啱，結果改成嘴唇碰額頭。」
當初拍《重口味》時，DaDa還未奪得金像獎最佳女配角，未知是否馬後炮，William對她讚不絕口，除了能在四天內投入角色，為了大局着想，更服從導演要求，他笑說：「DaDa係一個好爽直嘅女仔，譬如導演話件衫拉低少少，佢話：『哦，OK！』配合得好好。」

陳偉霆跳脫衣舞

William戲裏戲外都是非一般宅男，拍攝前整個星期閉關在家，只靠媽咪買外賣，房門也沒出過，他說：「之前喺橫店拍三個月古裝，之後又要再到內地拍劇四個月，好珍惜唔使郁嘅狀態。」William的宅男性格，與戲中怕醜宅男角色頗為切合，其中一場戲講他幻想一班性感女郎在他身上跳脫衣舞，女性肌膚及玉手在他身上每吋遊走，他表示為要演繹食了「毒菇」後，按捺不住爆發的獸性，要大跳肉酸舞，厚着面皮，邊跳邊除衫，直至脫剩內褲。

William說：「場脫衣舞戲，我係着孖煙囱跳舞，唔尷尬，係啲女仔尷尬，又要喺我個身度跳舞，係咁磨，又要摸大髀。尷尬係啲女仔拍到手濕晒，全部流晒汗，我感覺佢哋好辛苦，我盡量放開自己，一take過，但成首歌時間，都要幾分鐘。」William坦言俾女圍感覺不俗，他笑說：「我忍得住痕，我耐痕程度唔差！」
DaDa聲稱可惜該場脫衣舞戲沒有安排她參與跳舞，但她亦有向陳偉霆提出建議，DaDa說：「佢身材好弗，我畀咗啲油佢搽身，即刻立體感靚啲。」DaDa又表示很欣賞William為保持身形忍口節食，她說：「我忍唔到口，成程不停要搵嘢食，佢好值得學習，我近期都肥咗少少。」
髮型：Davy@MM IL COLPO、 Kenny Yeung. Alex Chan
化妝：Kristie Wong、YoYo Tang
服裝：Jamroom,JOYRICH、[email protected].
場地：灣仔萬麗海景酒店FACES

有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange