陳凱琳（Grace）母親劉惠嫺日前接受車淑梅訪問，指Grace與孖生細佬Derek在約15歲時，忽然有亞裔特徵，不少人質疑陳母「當人儍㗎咩」，雖然陳家「血統」成焦點，但Grace一於少理，昨日繼續在社交網貼相慶祝母親節，她與老公鄭嘉穎一家四口去了朋友家中開餐，之後趁機落沙灘影相。已兩歲大的長子鄭承悅（Rafael）越大越靚仔，在沙灘狂奔，鄭嘉穎一直在身邊陪伴，而只得九個月大的細仔鄭承亮（Yannick）就由Grace抱住，在灘邊沾水，見Yannick沒有因沙拮腳或怕水，全程「一嚿飯」般任媽咪舞。

鄭嘉穎前女友周勵淇（Niki）去年5月中誕下囝囝Morris，昨日是她首個以媽媽身份過母親節，不過禮物竟然是囝囝送上的「一腳」，她留言謂「第一年母親節，收到的第一份禮物，沒有花、沒有蛋糕，只有一腳！母親係一個非常特別的角色，真係任勞任怨全年無休。」她指兒子開始長牙，有點脾氣，這一腳伸得特別快，幸好她早有準備，拿下手機自拍，不過Niki未有提到內地老公傅浤鳴。