當年今日
關於我們

唐澤壽明做晨早劇場改名挑戰藤岡靛

蘋果日報 2016/02/15 06:00

蘋果即時唐澤壽明伊藤淳史藤岡靛DEANFUJIOKA阿淺來了晨早劇場TOTO姐姐高畑允希

曾經喺香港發展嘅日本男星藤岡靛,因為喺NHK電視台晨早劇場《阿淺來了》演五代友厚一角而喺日本爆紅,而呢套劇就快大結局,去到4月初就有另一套新晨早劇《TOTO姐姐》播放,噚日有份做《TOTO姐姐》嘅一眾演員出席該劇發佈記者會,女主角高畑允希之外,仲有《白色巨塔》男星唐澤壽明、劇集版《電車男》伊藤淳史等等。

一向都好鍾意講笑嘅唐澤壽明,喺記招上話要對抗因晨早劇場而爆紅嘅藤岡靛呢位新紮型男,由於藤岡靛喺日本用DeanFujioka呢個藝名,唐澤就亂咁為自己起個藝名叫PunKarasawa,而佢仲話自己係史上最強型男,笑到全場碌地。女主角高畑仲話被咁多型男圍住好開心喎。