當年今日
關於我們

單親婦配公屋缺錢交上期

蘋果日報 2003/08/20 00:00


「之前房屋署都派過一間屋畀我兩仔乸,不過,因為我哋冇錢交上期、按金,所以自動放棄咗;如果今次再唔要,恐怕我兩仔乸要瞓街。」單親的李女士面有難色對記者說。
五十五歲的李女士,身世坎坷,十八歲與任職海員的丈夫結婚,可惜未幾雙方失去聯絡,她含辛茹苦才將兒子撫養成人。由於年輕時過份操勞,李女士晚年換來一身病痛,她分別患有糖尿病及高血壓,需長期服用藥物,遂被迫提早退休;現生活依賴三十五歲從事售貨員的兒子維持。
可惜近年本港銷售市道欠佳,李女士的兒子亦受到影響,收入大幅減少,現時每月薪金約有六千五百元,兩母子生活拮据。「𠵱家租人樓住,淨係交租都要四千蚊,剩低二千幾蚊,阿仔自己返工都要搭車、食飯啦,根本就畀唔到幾多我,我連睇醫生都冇錢,幾乎個個月都要問親戚朋友借。」

基金撥款助搬遷
日前,李女士喜收到房屋署的通知,兩母子獲編配一間位於屯門的公屋,每月租金九百七十二元,大大減輕他們的經濟壓力。奈何家無積蓄的李女士,因為無力預繳一筆上期、按金的費用,為此惆悵不已。
「有咗間公屋,以後就唔使再捱貴租,到時生活應該會好些少;不過,霎時間要我交咁大筆錢,都唔知去邊度搵,老實講,𠵱家所有親朋戚友見到我都驚,冇人肯再借錢畀我。我真係好擔心,唔知點算。」說着說着,李女士的眼淚已奪眶而出。
蘋果日報慈善基金了解過李女士的處境後,即時撥款二千八百五十一元,助她繳付新屋上期及按金。 捐款編號:C1068

暖流熱線
電話:29908688
傳真:23702192
電郵:[email protected]
網址: http://www.charity.atnext.com