左邊有「細哨」突破,右面有美斯闖關,中間有廸高、沙維後上,你話拉科班球員知唔知道巴塞呢個進攻方程式呢?
好似施丹年代嘅皇馬,粒粒皆星,個個球技出眾,一㩒掣,5分鐘之內一定入波,對手根本無能力頑抗!
不過,我相信呢個世界係陰陽五行相生相剋的,俗語係「格食格」。巴塞本來好勁,不過冇咗伊度奧之後,隊波冇晒火,輸畀皇馬,和埋車仔!已俾人哋捉到巴塞嘅路。
今晚拉科主場鬥巴塞,前者青春班,重球員培訓,不信名牌,打整體,有鬥心,見到班後生仔咁努力,連老鬼都搞到有火!反觀巴塞,左右兩邊嘅「細哨」同美斯,對方教練已經識得搵人招呼佢地,加上拉科教頭卡柏路斯係有料之人,我對拉科有信心!