亞視過檔無綫，袁文傑憑《不懂撒嬌的女人》飾演「游俊傑」人氣急升。不過，游先都可算多災多難，去年同滕麗名拍《愛·回家之開心速遞》時，唔小心差錯腳，將抱住嘅阿滕成個人拋落地，阿滕背脊落地再撞到頭，袁文傑就撞傷右膝蓋，仲發現有碎骨。(相關新聞﹕ https://bit.ly/2MLOGoN )

近日袁文傑拍劇又再受傷，佢喺ig貼張喺醫院嘅自拍照，留言﹕「其實是拍攝時不小心手指尾受傷，血流如注，要馬上往醫院治療！」唔少網民都好擔心加以慰問，不過袁文傑就唔太介意，反而見到醫護人員好開心，佢話﹕「中招了...但她們很開心，那就好了，我喜歡這樣」。

而最新情況就係一張手指尾包紮傷口相，留言﹕「養.直豎，和.尾指」，似乎暫時唔可以屈曲，祝願佢快啲康復啦！

精選娛聞，喺晒《娛果》 http://fb.com/appledailyent