地產多聲道：遠銀商場有景 大鴻輝參股
蘋果日報 2004/10/12 00:00
資深投資者黎永滔首度開腔，預測出年旺角朗豪坊附近舖租勁升倍半，追貼朗豪坊百七蚊呎租。
滔哥好關心市傳舊文華戲院，以三億四千八百萬易手嘅消息，事關佢揸住嘅旺角遠東銀行大廈商場喺正隔籬。
佢準備出年三月，正式收樓後，將個場大執位，有可能踢走現有娛樂事業租戶，目標令租金收入由現時百三萬，跳升倍半，至三百幾萬，回報率升到七厘七。
可能個計劃太吸引，行家大鴻輝都入股玩埋一份，董事梁紹鴻話，睇好朗豪坊，早前出價三億三，洽購舊文華，但未達業主要求。至於同滔哥嘅交易詳情，佢不便透露。
長實星洲盤造勢
長實賣香港樓出晒名花樣多，估唔到賣新加坡景頤峰，一樣秉承傳統。
負責喺星洲主持樓盤銷售嘅高級營業經理黃思聰話，個多星期前，一連八晚喺現樓舉行主題之夜軟銷，有占士邦007同夏威夷主題。執行董事趙國雄又再粉墨登場，扮演佢最擅長嘅占士邦。
黃思聰話，今次推廣一共招待咗過千貴賓，包括銀行家同埋景頤峰地皮舊住戶。樓盤打算明年二月農曆年後賣，會去內地做路演。
佢話，景頤峰所在地段，相等於香港中半山，有二百四十八伙，單位八百呎以上，目標呎價六千至九千。
滔哥好關心市傳舊文華戲院，以三億四千八百萬易手嘅消息，事關佢揸住嘅旺角遠東銀行大廈商場喺正隔籬。
佢準備出年三月，正式收樓後，將個場大執位，有可能踢走現有娛樂事業租戶，目標令租金收入由現時百三萬，跳升倍半，至三百幾萬，回報率升到七厘七。
可能個計劃太吸引，行家大鴻輝都入股玩埋一份，董事梁紹鴻話，睇好朗豪坊，早前出價三億三，洽購舊文華，但未達業主要求。至於同滔哥嘅交易詳情，佢不便透露。
長實賣香港樓出晒名花樣多，估唔到賣新加坡景頤峰，一樣秉承傳統。
負責喺星洲主持樓盤銷售嘅高級營業經理黃思聰話，個多星期前，一連八晚喺現樓舉行主題之夜軟銷，有占士邦007同夏威夷主題。執行董事趙國雄又再粉墨登場，扮演佢最擅長嘅占士邦。
黃思聰話，今次推廣一共招待咗過千貴賓，包括銀行家同埋景頤峰地皮舊住戶。樓盤打算明年二月農曆年後賣，會去內地做路演。
佢話，景頤峰所在地段，相等於香港中半山，有二百四十八伙，單位八百呎以上，目標呎價六千至九千。
一向作風穩陣嘅利嘉閣地產董事總經理何紹章，向蘭西透露，佢加入買樓行列，先後買咗兩間，都喺尖沙嘴九龍站上蓋，邊個盤佢就賣關子，等大家估吓。不過，嗰度有幾多個盤，數手指都數得出。
呢兩個單位涉資共逾千萬，一個自住，一個收租。
佢話，九龍站樓盤，好似澳洲達令港嘅物業咁，有投資價值。佢又話，九龍站交通方便，有大商場，附近有文娛藝術區。佢住緊嘅北角半山單位諗住賣。
一向唔估官地拍賣價嘅仲量聯行，話今日拍賣嘅兩幅官地，成交價會創九七後新高水平，令人有無限憧憬。
仲量聯行亞洲區估價部主管劉振江，只肯輕描淡寫咁話，新蒲崗幅地，貴在舖位四面單邊，會拉高樓面地價，追貼華懋上次賣入嘅九龍城地皮造價，每呎大約三千樓下。
至於何文田地盤，因為地積比率高，較難發展為傳統貴價豪宅，成交價大約高過底價十至二十巴仙。
西九龍成為地產代理重要據點，皆因長沙灣昇悅居、泓景臺及宇晴軒排住隊入伙，加埋恒隆碧海藍天，有逾八千八百伙，全部入晒伙，代理做二手都做到手軟。
香港置業據點向來穩紮於西九龍，淨係呢區就開七間分行，噚日泓景臺分行開幕，行政總裁胡日發話，今個月頭十日，生意已經係上個月同期三倍，為加強佔有率，西九龍全線分行延長營業，由晚上九時半延至半夜十二點。
現有九間分行嘅京士活，都揀咗噚日喺呢區開分行，請嚟幾個明星藝人撐場外，地產界就有新世界何太畀面出席。
蘭西
電郵地址：
趙國雄（中）喺新加坡，都不失鬼馬本色。
香港置業緊守西九龍據點，昨日開該區第七間分行，請來恒隆黃為山（右五）做嘉賓。
京士活泓景臺分行開幕，又切燒豬又舞獅，隆重其事。謝榮耀攝