電影《我的少女時代》衝出台灣，香港票房截至噚日，累積逾4200萬港幣，內地上映5日則收約1.5億人仔票房。

導演陳玉珊今日帶同演員王大陸、李玉璽喺北京謝票，兩位帥哥落力宣傳，王大陸仲抱起李玉璽扮親密，兩男仲情深對望，場面好hehe，現場粉絲尖叫。

今日北京氣溫零下9度，王大陸着鞋唔着襪出現，佢話：「為了替電影宣傳光腳算甚麼。」王大陸曾喺台灣裸泳慶功，佢承諾內地票房過5億人仔就唱歌。