【新增影片】
佔中期間日派數百個飯盒、不惜花20多萬支持抗爭人士的太子基隆茶餐廳，因不敵月租加價36%至7.5萬元面臨結業。茶餐廳每月都會定期派飯給基層市民，風雨不改已5年多，老闆娘Cat姐説，預料今日是最後一次派飯，共派發150個飯盒。她慨嘆已力盡綿力，在餐廳外親手把水果和飯盒交到老人家手中，「希望唔係最後一次啦」。她寄望業主能調整租金加幅，「放我一馬，畀條路大家行」。

下午3時，餐廳外已有逾百名長者在茶餐廳外等候，最後一次派飯Cat姐亦特意「加餸」，除了齋飯和水果之外，特意準備了白米給老人家，「送嘢畀佢哋應該開開心心，盡我能力啦」，亦有好心人捐贈曲奇餅給老人家過復活節，「其實最多謝班伙記幫手，做完午市直踩幫我做啲飯盒出來」。她説免費派發齋飯已有5年，每逢舊曆初一十五風雨不改，「啲老人家好記啲」，又指每次派飯日「都有老人家好緊張，9點幾就來排隊，其實唔駛㗎，我次次都話佢哋」。

Cat姐說紮根太子舊區10多年，派飯盒、飯劵等慈善工作其實靠街坊幫襯支持，「做咗咁耐係有街坊認同，有啲感情分」。打扮新潮、染了一頭藍髮的Cat姐原來已年屆60多歲，「見到班老人家乜都冇嗰種徬徨，其實我都好深感受，希望幫到佢哋一兩餐，唔會太淒涼」。談到若餐廳最終逃不過結業命運，她直言亦不後悔，「如果我唔係做飲食業，都做唔到咁多社區服務，反而係執笠之後社區少咗一份服務，我擔心呢樣多過自己生活」。

Cat姐指在同一舖位開茶餐廳已有11年，租約將在5月中期滿，現時壓力大致失眠，「訓唔著，2點幾就醒」，與業主反覆議價，對方要求把租金由現時5.5萬加至6.8萬，後來再調升至7.5萬，加幅達36%，「地產經紀話有人肯出到8萬蚊租個舖」，但她憂慮加租後負擔大，入不敷支，「有客叫我加價，但我唔想，街坊都知我哋憑良心做生意」。她說現階段只能寄望業主態度軟化，「希望仲有彎轉，可以放我一馬」。

居住在公屋的梁婆婆說，已在基隆茶餐廳取飯盒一年多，「啲街坊一個轉一個咁話我知囉」，特意從荃灣搭車來太子輪候派飯。她指生活艱難，加上老人家沒有入息，領取的生果金等津貼後扣除租金，三餐都要節衣縮食，所以很依靠餐廳派飯「幫到一餐得一餐啦」。

居住在荔枝角劏房的盧婆婆大讚Cat姐為人有善心，「對我哋老人家好好㗎」，自言對飯盒要求不高，「人哋又唔係例牌要派嘅，食得就可以啦，有得派好過冇得派啦」，又為她大感不值，「好淒涼啊業主加租搞到做唔到落去」。

《蘋果》沙士15周年系列網站，正式登場：
https://hk.feature.appledaily.com/sars15