【生日行善】謝玲玲捐兩畫作籌100萬 生日願望希望兒子快成家立業

蘋果日報 2018/09/23 15:09

林孝賢謝玲玲
    謝玲玲上星期四過了62歲生日，佢5個仔女孝賢、恬兒、顥伊、心兒同孝能就齊人同佢食飯慶祝。
    生日做善事更有意義，噚晚佢就去咗仁愛堂嘅慈善節目，仲捐咗兩幅自己畫作做拍賣，籌到100萬善款，《蘋果》就搵過佢，佢就話呢件事係今年最好生日禮物：「因為佢哋主席羅台秦又係台灣人，今年佢哋多咗一個項目，係幫助情緒病嘅人，o依家個社會好大壓力，好多情緒病又跳樓，希望籌款可以幫到佢哋。」
    謝玲玲透露正日已同仔女慶祝，舊曆生日喺中秋節後一日，就會同奶奶、屋企人食飯，問到佢有乜生日願望，佢就表示：「最開心有兩個孫，希望個仔快啲結婚，可以等我再抱多啲孫，o依家人生最開心係睇到下一代成長，因為啲仔女都大，都穩定咗，希望佢哋快啲成家立業，好似Emily(大女林恬兒)有自己仔女，o依家成個人都大個咗、成熟咗，懂事咗好多好多。」
    精選娛聞，喺晒《娛果》
    http://fb.com/appledailyent
    empty
    謝玲玲與仁愛堂主席羅台秦(左一)友好，噚晚去捐畫做慈善，「洗米嫂」陳慧玲係該會副主席，而鄺美雲亦前嚟撐場。
    empty
    謝玲玲5個仔女一向孝順，齊人同佢正日慶祝生日。(IG圖片)
    empty
    謝玲玲近年醉心畫畫，噚晚就捐咗呢幅《綠色隧道》作慈善拍賣。
    empty
    另一幅畫作《緣聚》亦係佢嘅創作。