當年今日

【艷福不淺】星野源係圈中肉食男 二階堂富美搬屋送上門

蘋果日報 2016/12/08 08:00

新垣結衣有村架純二階堂富美星野源逃跑雖可恥但有用

由新垣結衣夥拍星野源嘅TBS新劇《逃跑雖可恥但有用》近期大受歡迎,男主角星野源包辦嘅主題曲《戀》更掀起一陣「戀愛舞」熱潮。35歲嘅星野源忽成歌視紅人,連續兩年打入下月底舉行嘅《紅白歌唱大賽》之外,唔又參演大河劇《真田丸》飾演德川秀忠,日前就因過勞病倒,更臨時辭演大型音樂節省《Best Hit Artist 2016》。
咪睇星野源扮演戇直處男似模似樣,其實佢成名後緋聞不絕,被指係圈中肉食男星,除被指曾經同情歌天后aiko發展半同居關係外,佢上年亦曾搭上青春女星二階堂富美,最近連女神級嘅有村架純都公開二人合照,足見其貌不揚嘅星野源確深受女星歡迎。22歲嘅二階堂富美同星野源三年前合演園子溫嘅電影而認識,當時雙方事務所解釋彼此只係好朋友關係,不過今日出版嘅《女性Seven》,發現星野源同二階堂原來同住一揀大廈,經了解後得知二階堂是3至4個月前才搬到呢度,而星野源就住咗3年以上,如今卻「同一屋簷下」,近水樓台肯定又會增進感情。