由第一階段嘅《Iron Man》到第三階段嘅收官電影《復仇者聯盟3：無限之戰》，Marvel電影宇宙喺十年間成功擄獲唔少觀眾，嚟緊第四階段嘅《Captain Marvel》首輪預告亦已經有得睇（新聞連結： http://bit.ly/2D92oBh ）。

隨住故事發展，Marvel電影世界由地球轉戰宇宙，《復仇者3》嘅大反派魁隆（Thanos）就係喺土星嘅衛星泰坦星長大，今日又有新消息傳出，據知講述Thanos家鄉種族永恆族嘅電影《Eternals》會由華裔女導演趙婷執導。

趙婷係中國演員宋丹丹嘅繼女，與台灣名導李安係紐約大學電影學院校友，2017年趙婷自編自導嘅電影《The Rider》喺美國獨立電影界獲得一致嘅讚譽，業內普遍期待趙婷末來發展，而《Eternals》將會係趙婷第一部荷李活電影。

《Eternals》即將展開選角工作，漫畫當中永恆一族係由宇宙神「永恆」於一百萬年前經地球人類基因培育嘅實驗品，外觀與人類無異，但無論智力、壽命、體力等都遠超過人類，所以被命名為永恆族（Eternals）。永恆族因一次意外令大量族人消失，但剩低嘅族人開始擁有控制宇宙能量嘅能力，而Thanos嘅爸爸A'lars就係當中一員。

據知今次《Eternals》會以永恆族及Thanos爸爸A'lars為主，講述A'lars帶領永恆族人喺泰坦星定居嘅故事，而過去《復仇者3》當中，紅骷髏首次見到Thonas時亦稱呼過對方為A'lars之子（Son of A'lars）。

精選娛聞，喺晒《娛果》
http://fb.com/appledailyent