當年今日

友情篇:宣萱實嫁得出

蘋果日報 2003/05/25 00:00


去年嘉良與宣萱及佘詩曼先後傳緋聞,當中又以他與宣萱拍《流金歲月》戲假情真傳得最盛,足足傳了一年,難怪嘉良亦自嘲是入行以來傳得最有韌力的新聞。
現在嘉良與太太破鏡重圓,而宣萱又傳與吳京拍拖,相信嘉良與宣萱的緋聞亦應告一段落,他卻失笑說:「點講都冇乜所謂,真係化啦,講咗成年,到𠵱家都係得個講字,但有時諗返轉頭,你都係有新聞價值,人哋至會咁寫,學梁朝偉話齋,唔係咁寫邊度有人買書,不過就唔好太過份。」

做一世好朋友
其實在嘉良處理家事的日子中,紅顏知己宣萱又有否支持他?嘉良說:「問候就一定有,但我嘅家事佢不嬲唔干涉,一個人發生家庭問題,其他人好難去教人哋做任何嘢,佢唔講任何嘢,亦都係正確,自己嘅事就應該由自己去處理。」
宣萱與吳京拍《倩女幽魂》一劇鬧緋聞,嘉良亦有客串參演該劇,未知他會否覺得宣萱和吳京日久生情?他說:「我拍呢套劇時,只係喺雲南見過宣萱兩次,呢啲問題應該問番宣萱。」
嘉良曾表示與宣萱能做一生一世的好友,他可希望對方早日覓得好歸宿?他說:「佢咁大個人,會知道乜嘢時候做乜嘢事,大家唔使為佢擔心。其實佢呢幾年嚟,所有嘢包括待人接物同演戲方面,都進步緊,而且都係好嘅轉變,大家少憂喎,佢實嫁得出。」
empty
佘詩曼亦曾與嘉良傳緋聞。