當年今日

求驗客手記:德甲處子戰 巴布「加」3分 - 求驗客

蘋果日報 2008/12/01 00:00


曾效力利物浦嘅前德國國腳後衞巴布,喺球員生涯後期患上怪病,鐵衞變生銹鐵,不過,好彩佢喺07年1月掛靴後際遇唔錯,先擔任史特加嘅副教練,上星期仲坐正埋。周日史特加對史浩克04呢場德甲聯,係36歲嘅巴布首次喺德甲領軍,而史特加就憑史馬克同馬里奧高美斯喺比賽尾段入波,以2:0勝出。巴布賽後話首次領軍,真係死咗唔少細胞,而佢亦要多謝史特加嘅老鬼門將列文,因為如果唔係列文喺上半場救出史浩克嘅12碼,戰果係點都未知。