候任民建聯立法會議員周浩鼎今年2月，曾在新界東補選論壇上，豪言已跟進東涌UA戲院將結業一事，聲稱「戲院會留番喺度」，惟戲院最終在9月18日結業，引來網民狠批；網民近日又發現周浩鼎在facebook直播呼籲網民切勿煲蠟的同時，竟叫人轉玩極不環保、嚴重損害生態的螢光棒，逾600網民給予「嬲嬲」，引發另一場公關災難。

近年環保團體紛紛力陳螢光棒的禍害（ http://bit.ly/2d26DlN ），不少市民均響應抵制，不過貴為候任立法會議員的周浩鼎，似乎未有為意，日前中秋節在沙田耀安邨，與黨友兼該區區議員李世榮於facebook直播中，竟建議市民玩螢光棒，「螢光棒，嗰啲可以考慮吓」。

不少網民批評周浩鼎竟呼籲市民購買「地球千年都分解唔到嘅有毒物料」，質疑對方沒常識，不關心環境問題，「係咪想害死投票畀你的人呀？」周浩鼎回覆《香港01》查詢時，則稱「唔好意思」。

【網民點睇】
Loy Ho：周議員，你對社會及環境健康咁唔關心，係咪想害死投票畀你的人呀？你唔上網都睇吓報紙、update吓自己的常識好嗎？咪搞到香港仲衰過啲第三世界國家。

Catherine Sum Sum Chan：叫人唔好煲臘，去買地球千年都分解唔到嘅有毒物料──螢光棒，你有冇搞錯呀！反智到咁X樣！

Peggy Maddison：人人倡議環保，你居然去叫人玩熒光棒！鼎！你是人？

Miriam Yip：有呢班人先係生態災難

Carine Tai：垃圾只識永遠出嚟唱反調，永遠厚住面皮出嚟挑機

Joey Chin：毀滅地球靠晒民建聯

Bear Li：毒害自己小朋友

黃思穎：真係頂！都話姓「黨」嘅都係低智一族架啦！