一部輕便手機已可取代沉甸甸的旅遊書。旅遊資訊平台Travel Pop負責人Francis經常到不同地方遊歷，但對上一本買的旅遊書已是好幾年前的事。他指現時去旅行首選用互聯網作資料搜集，並儲存到手機作記錄，再配合地圖App，「你撳一下，附近有咩景點、住宿、油站已經全部睇晒。」

Francis指出，現時手機的離線地圖相當方便，舉例如 MAPS.ME ，只需要預先下載目的地的地圖，配合手機GPS功能，食宿交通資訊應有盡有。他稱網上越來越多Blogger撰寫遊記，特色民宿、旅行新玩法等一應俱全，笑言帶旅遊書去旅行只是坐車時解悶之用，「除非你係去一啲好偏僻嘅地方，網上無乜呢啲資訊，可能你要買一本英文嘅書，否則你係唔需要用到。」

低成本旅遊情報網 Flyday.hk 近年大受港人歡迎，單月瀏覽量已有逾百萬人次。負責人Herman表示，以往買旅遊書為了解當地遊玩概念，但現時網上資訊多而且新，只要將心水交通路線、景點相片等儲存到手機即可簡單作記錄，「網上可能會以個人感受為主，但睇多幾個已經有概念」。他指部份App如內地開發的「螞蜂窩」，更會提供4日3夜等精選行程，齊集所有必須的資訊，「跟住去已經搞掂。」

另一旅遊平台Travel Zoo亞太首席財務官張可玲亦指出，因旅遊成本降低，現時港人旅遊習慣已經改變，「好多人都係買完機票同第一晚酒店，去到先用手機搵點玩」，配合手機定位以App搜尋當地玩樂優惠及資訊，「一本書最多都係每一年或者半年update一次，上網就幾時都係最新嘅」。

記者　佘錦洪