【生死邊緣】傑仔命喪海洋公園鬼屋 肥媽視力轉差:喊太多
鬼屋海洋公園動大事2017活埋凶間
今年9月16日,21歲青年張朝傑偕女友到海洋公園參加萬聖節活動優先場,試玩鬼屋「活埋凶間」時,疑迷路慘被一副「棺材」擊中頭部致死,機電署指調查工作仍在進行中,初步未發現涉及機件故障。事隔3個月,張朝傑父母接受《蘋果》專訪時,心情雖已平伏不少,但坦言難以忘懷兒子生前種種往事。意外後,傑仔媽媽悲慟不已,終日以淚洗面,導致受糖尿病影響的眼疾惡化,右眼現時只剩下兩成視力,面對龐大醫療開支,盡顯無奈。
「無辦法啦」,訪問中傑仔父母經常將這句話掛在口邊,嘗試在百般無奈中安慰自己。事過未境遷,傑仔媽媽表示,意外來得突然,雖已慢慢接受亦沒有責怪任何人,包括偕傑仔到海洋公園的女朋友,「唉,我都無話佢、怪佢,走都走咗無辦法」,更希望她不要內疚自責。
傑仔愛稱媽媽「肥媽」,肥媽指海洋公園及警方至今仍在調查意外原因,現時他們只好漫長地等待。她表示為免自己日思夜想,勾起傷心事,將事後工作託付給親人及律師處理,「我都唔想畀個仔去嗰度玩,走都走咗,都無咩好講」。
悲傷逐漸平伏,但家庭氣氛難免有變,為免觸景傷情,他們把家中傑仔的舊照收藏好,睡床亦拆走,但對故人卻沒一絲淡忘,「以前(佢)喺度,6點7 點一齊傾偈笑…而家我少煮飯,唔想煮,無心機,以前煮飯大家三仔乸一齊吃,依家無喇」。
念舊日,點滴在心頭。肥媽大讚傑仔乖巧又自律,永遠都是家庭第一,從不需要人擔心,「佢好乖仔,唔去玩㗎,禮拜六、日都係陪我哋,平時放學返嚟就叫我:肥媽我返嚟喇,有咩食呀?佢鐘意食粉絲,要減肥,咁我就煮畀佢食」,飯後就與朋友踢足球,到晚上11時就自動自覺回家梳洗睡覺。
肥媽說,傑仔原打算兩年後畢業便從事電子工程,希望賺到多些錢報答家人,更許下承諾:「我搵到就養你!」可惜一場意外,承諾永遠再無法兌現。「搞掂哂都安樂」,肥媽苦笑,指傑仔的骨灰現時暫放在道堂,她會每月兩次全家去拜祭,對上一次在傑仔生忌時更帶同芒果蛋糕,麥樂雞,馬拉糕,運動飲料等他生前最愛吃的東西去拜祭,以解掛念之情,「諗佢去咗第二度玩,當佢去旅行」。
意外後肥媽一度心情悲慟,「瞓0又瞓唔到,成個癡線婆咁!」更令其眼疾惡化。她指十多年前因糖尿病影響視力,但生活迫人便未再理會。她說之前佩戴眼鏡便足以應付日常生活,但自從傑仔意外去世後,視力急劇轉差,「傑仔過身呢,喊太多,唔食嘢又諗好多嘢,隻眼就差,睇嘢得一兩成」。
其實肥媽早於9月求診時已獲轉介至將軍澳醫院,奈何天意弄人,9月時家中遭逢巨變傑仔去世,她需集中精力處理。10月覆診後醫生致電告知其眼睛情況變差,要求她必須覆診跟進醫治,當初將覆診改至10月,但撞正傑仔出殯之日,於是一再改期,現時右眼只剩二成視力,擔心活在朦朧中。
受眼疾所困,肥媽表示現時多數留在家中,因日間陽光猛烈時會頭暈,怕生意外故亦不敢獨自外出,一個人在家亦會開門好使自己安心。肥媽指受病患影響不能工作,一家人現時依靠3000多元綜緩金及丈夫兼職生活維生,日常開支亦僅僅足夠應付,目前海洋公園雖資助其眼針費用,但擔心若眼疾未改善,未來醫療費用甚感吃力。
【minigame】2017瘋暈人物 返工打機唔使擇日
http://bit.ly/2CeWQk
傑仔意外橫死,肥媽傷心欲絕,更因哭得太多令眼疾進一步惡化。(麥超億攝)
肥媽(右)稱只會在丈夫(左)及家人陪伴下,才會放心落街活動。(麥超億攝)
意外後肥媽稱終日以淚洗面,致其眼疾惡化,右眼只剩兩成視力。(麥超億攝)
家中空空一角原先放置傑仔睡床,但為免觸景傷情,早前已拆去木床。(麥超億攝)