陳智燊（Jason）同郭鋒，今日去到香港跑馬地出席東方表行「時尚煲呔賽馬日」活動，兩人繫上煲呔更顯男人味。

Jason離巢後工作不斷，不過要做一位新手爸爸就令佢好繁忙，佢話：「只要大膽嘗試，比想像中唔太難搞，我膽粗粗幫BB沖涼、餵奶、換片，只要唔好驚就得，不過一聽到囝囝喊聲，未至於好開心，但忍受到，因為係我個仔，我同自己講OK啦。」中文名字方面，Jason同太太宋熙年中文唔叻，交由朋友幫手，希望個名唔好咁娘，英文名雖由兩公婆負責，但仍在拉鋸中，不過可以好肯定會再生小朋友，目標係三個B。

Jason做咗Daddy後覺得BB好旺，keep住忙碌工作，至於離巢之後收入，佢話：「唔錯，夠我個仔做好多嘢，跳出嚟後試唔同嘢，唔會放棄，啱啱拍緊個介紹香港嘅節目，遲啲會飛德國拍旅遊特輯，離開香港一星期，驚自己唔喺屋企，唔夠人手照顧BB，要辛苦太太，會送禮物補償。」

精選娛聞，喺晒《娛果》
http://fb.com/appledailyent