【好人好事】甄詠珊隨身袋口罩派街坊 媽咪冇口罩即遇好心人相贈
蘋果日報 2020/03/20 18:11
甄詠珊派口罩武漢肺炎
甄詠珊（Carisa）與師弟黃潤成、施熙瑜與葉家寶等，今天於油塘出席「萬眾同心齊抗炎」派發口罩活動。武漢肺炎疫情下，Carisa依然繼續有工作、拍劇，不過所有商演已叫停，所以她便趁着空閒參與抗疫工作。她更自掏腰包拿數千元購買口罩，有機會便會送給有需要的市民，Carisa說：「派口罩公開唔公開都會做，公開嘅今日係第2次，私下嘅都會同朋友落唔同嘅地區，見垃圾站就衝入去，有啲未必係前線，執紙皮，有需要嘅都會送，周圍走，好似野外定向咁，好開心同有意義。我會喺網上訂口罩，訂到返嚟就5個一包，袋喺袋，一見到有需要嘅人就會送畀佢哋。」
她還指這段時間領悟到施恩莫望報，做好事必定有回報，她說：「媽咪喺1月尾入咗院，因為血糖高，不過最近覆診已經好番晒，去覆診嗰日佢仲唔記得帶口罩唔畀見醫生，點知有個有心人送咗個畀佢，真係感恩。」Carisa媽咪也受到她的感染，跟女女一同派口罩。而Carisa更爆她的家族數十人，也由她負責搜羅口罩，在網上訂購後便寄到美國、加拿大與內地，自言做得多少便盡力做。
採訪、攝影：羅慧敏
攝影：羅慧敏
甄詠珊與師弟黃潤成今天到油塘出席派口罩活動。
甄詠珊母親早前因血糖高而入院，現時已痊癒。
施熙瑜及葉家寶等同為抗炎出力，照顧社會上有需要的人。