當年今日
關於我們

【還我完美Body】滕麗名驚現肚腩仔 忽然受傷否認有孕

蘋果日報 2017/10/09 19:00

滕麗名肚腩仔街市遊樂團豐胸廣告

41歲嘅滕麗名,13年同老公朱建崑喺泰國結婚,上年幫大台拍過《一屋老友記》等劇,有時喺港鐵站又會見到佢嘅豐胸廣告,只可以講,真係keep得好好。
阿滕今日同江美儀、麥長青為節目《街市遊樂團》拍攝,去到街市要自掏腰包買餸。早前阿滕被指肚凸凸,老公喺身邊扶到實,非常小心似有咗,今日阿滕落到街市,着住一件桃紅色短Tee加短褲,打扮有啲街坊,又否認有孕嘅說法,阿滕解釋:「之前同袁文傑拍劇唔小心整傷腰,老公細心扶下,唔係有喜。」阿滕仲話未有造人大計,但就可以諗下上契搵契仔契女。但之前一直冇聽過佢話受傷,阿滕表示一直唔講,係驚影響劇組進度。