當年今日
關於我們

【抗暴之戰】今日集會明日遊行 港人不言累:最低成本的抗爭

蘋果日報 2019/12/07 18:46

民陣

民陣遊行事隔4個月再次取得不反對通知書,有市民出席聲援印傭作家Yuli集會時舉牌呼籲港人參加明日遊行,她指不論有沒有不反對通知書,仍希望大家能出席集會遊行,更形容這是最低成本的抗爭。
市民W表示,明日是民陣事隔多月有不反對通知書的遊行,也想趁機重申「五大訴求,缺一不可」,「都多人留意(聽日個遊行)嘅,民陣遊行通常都好難批,依家批得番都多人講話想去。(是否擔心催淚彈?)催淚彈其實幾時都有,同遊行已經唔係好大關係,咁大家小心啦。」
表示明日會出席集會的梁同學說:「民陣過去召集能力強,係會召集到好多人,我希望見返之前200萬人遊行。不過民唔民陣唔係好關我事,基本上有集會嘅遊行我都想盡力出席,(目的係)show畀大家睇就算區選完,但五大訴求未爭得到。我又唔會好擔心催淚彈,已經有心理準備。」
同樣表明會去遊行的許小姐認為,今次民陣遊行是一大噱頭,因為明日之後就是反修例運動的半年,「即使係半年,我仍然係堅持緊訴求,即使由當初撤回修例轉移向反警暴,但初衷都係對制度嘅不滿。不過隔咗4個月再攞到不反對通知書,似係警方處理運動嘅手段,最近遊行集會都慢慢有番不反對通知書。都驚催淚彈㗎,但如果唔用參與遊行嘅方式話畀人聽你仲支持緊訴求,咁有咩方式可以直接表達到(民意)」?」
-----------------------------
【民陣國際人權日遊行】
日期:12月8日
時間:下午3時
地點:維園遊行至遮打道
主題:守護香港.和你同行
*獲發不反對通知書
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
-----------------------------
無懼警暴 學懂自救
《抗暴之戰●法例須知》讀果 上架
-----------------------------
【撐學生】
召集有心人 撐學生全年睇《蘋果》
立即按此
empty
民陣遊行事隔4個月再次取得不反對通知書,有市民出席聲援Yuli集會時舉牌呼籲港人參加明日遊行。
empty
市民W表示,明日是民陣事隔多月有不反對通知書的遊行,也想趁機重申「五大訴求,缺一不可」。
empty
許小姐認為,今次民陣遊行是一大噱頭,因為明日之後就是反修例運動的半年。